سری لنکا کے خلاف سیریز کے پہلے ٹیسٹ میچ کے دوسرے دن کا کھیل ختم

سری لنکا کے خلاف سیریز کے پہلے ٹیسٹ میچ کے دوسرے دن کا کھیل ختم ہوگیا۔ پاکستان کے آغا سلمان اور سعود شکیل ڈٹ گئے، دونوں بالترتیب 61 اور 69 رنز کے ساتھ تیسرے روز کے کھیل کا آغاز کریں گے۔

گال میں کھیلے جا رہے ٹیسٹ میچ میں پاکستان کے بیٹرز آغا سلمان اور سعود شکیل نے اپنی نصف سنچریاں مکمل کیں۔ دونوں بیٹرز نے پاکستان کی لڑ کھڑاتی بیٹنگ لائن کو سنبھال لیا۔

بارش کے باعث میچ روکا گیا جس کے ساتھ ہی دن کے اختتام کا بھی اعلان کردیا گیا۔ کھیل کے اختتام تک قومی ٹیم نے 5 وکٹوں کے نقصان پر 221 رنز بنالیے تھے۔

واضح رہے کہ ایک وقت پر پاکستان کی آدھی ٹیم 101 رنز پر پویلین لوٹ گئی تھی۔ 

عبداللّٰہ شفیق 19، امام الحق 1، شان مسعود 39، کپتان بابر اعظم 13 اور وکٹ کیپر بیٹر سرفراز احمد 17 رنز بنا کر آؤٹ ہوئے۔

واضح رہے کہ ابتدا میں جلد وکٹیں گنوانے کے باوجود سری لنکن ٹیم نے پہلی اننگز میں بورڈ پر 312 کا ٹوٹل سجایا۔ 

میزبان ٹیم کی جانب سے دھننجایا ڈی سلوا 122 رنز بنا کر ٹاپ اسکورر رہے۔

سری لنکا کے اینجلو میتھیوز نے 64 اور سدیرا سماراوکرما نے 36 رنز بنائے۔