مونس الٰہی منی لانڈرنگ کیس میں اشتہاری قرار

عدالت نے سابق وزیراعلی پنجاب اور صدر پی ٹی آئی پرویز الٰہی کے صاحبزادے مونس الٰہی کو منی لانڈرنگ کیس میں اشتہاری قرار دے دیا۔تفصیلات کے مطابق عدالت نے منی لانڈرنگ اور کرپشن سرکل کے مقدمے میں سابق وفاقی وزیر مونس الہی کو اشتہاری قرار دے دیا۔عدالت نے کہا ہے مونس الہی کے خلاف منی لانڈرنگ کے دو مقدمات درج ہیں۔

جس میں سے ایک اربوں روپے غیر قانونی طریقے سے ملک سے باہر لے جانے کا مقدمہ ہے اور دوسرا اینٹی کرپشن سرکل پنجاب میں بھی مونس الہی کے خلاف مقدمہ درج کر لیا گیا ہے۔مونس الہی سمیت دیگر تین ملزمان کے خلاف عدالت میں چالان جمع کر دیا گیا۔عدالت نےمونس الہی کی ٹریول ہسٹری بینک، اکاؤنٹس کی تفصیلات بھی طلب کر لیں۔عدالت نے مونس الہی کے شناختی کارڈ ،پاسپورٹ، بینک اکاؤنٹس سمیت تمام جائیداد کے منجمد ہونے کی کاروائی کا آغاز کر دیا۔

عدالت نے پاسپورٹ, شناختی کارڈ اور رہائش گاہ کا درست پتہ بھی طلب کیا ہے۔مونس الہی کو ملک سے باہر ہونے کی وجہ سے اشتہاری قرار دیا گیا ۔قبل ازیں کو سیشن کورٹ نے سابق وزیراعلی پنجاب اور صدر پی ٹی آئی پرویز الٰہی کے صاحبزادے مونس الٰہی کے ناقابل ضمانت وارنٹ گرفتاری جاری کردئیے۔مونس الٰہی کے وارنٹ گرفتاری رشوت لینے، دینے اور اعانت جرم کے مقدمے میں جاری کیے گئے ہیں۔

ایف آئی اے نے مونس الٰہی کے دائمی وارنٹ گرفتاری جاری کرنے کی درخواست دائرکرتے ہوئے موقف اپنایا تھا انہیں شامل تفتیش کرنے کی کوشش کی لیکن وہ ایسا کرنے سے گریزاں ہیں۔ایف آئی اے نے عدالت سے شریک ملزم حامد سہیل کے بھی دائمی وارنٹ جاری کرنے کی استدعا کی تھی جسے منظورکرتے ہوئے عدالت نے دونوں ملزمان کے وارنٹس جاری کی۔