پاکستان میں ایڈز کے مریضوں میں ریکارڈ اضافہ

سرکاری اعداد و شمار کے مطابق گزشتہ سات سالوں کے دوران پاکستان میں ایڈز کے مریضوں میں 70 فیصد اضافہ ہوا ہے۔ 

2016 کے آغاز میں ملک بھر میں ایڈز کے مریضوں کی کل تعداد تقریباً 17000 ریکارڈ کی گئی تھی جو سال 2022 کے اختتامی مہینے میں بڑھ کر تقریباً 59000 ہو گئی۔ 

ان 7سالوں کے دوران ایچ آئی وی کے سب سے زیادہ کیسز پنجاب سے رپورٹ ہوئے۔ 2016 میں پنجاب میں کل 6875 مریض تھے جو 2022 میں بڑھ کر 31000 تک پہنچ گئے، تقریباً 80 فیصد کیسز میں اضافہ ہوا۔ اعداد و شمار سے ظاہر ہوتا ہے کہ سندھ میں ایچ آئی وی کے مریضوں میں 69 فیصد اضافہ دیکھنے میں آیا جن کی مجموعی تعداد 2016 میں 5183 اور 2022 میں 16765 تھی۔ اسی طرح کے پی کے میں 2016 میں 2384 کیسز اور 2022 میں 5000 کیسز ریکارڈ کیے گئے جو کہ 50 فیصد سے زیادہ اضافہ کو ظاہر کرتے ہیں۔ بلوچستان میں ایچ آئی وی کے کیسز 2016 میں 345 تھے جو تقریباً 80 فیصد اضافے کے ساتھ 2022 میں بڑھ کر 1759 ہو گئے۔ اسلام آباد میں 2016 میں 2227 کیسز ریکارڈ کیے گئے جو 2022 میں بڑھ کر 3711 ہو گئے۔