چین میں ڈرائیور نے گاڑی پرائمری سکول کے طلبہ پر چڑھا دی

چین کے صوبے ہنان میں ڈرائیور نے گاڑی پرائمری سکول کے باہر طلبہ اور راہ گیروں پر چڑھا دی۔

چینی میڈیا کے مطابق واقعے میں کئی طلبہ اور راہگیر زخمی ہوئے جنہیں ہسپتال منتقل کر دیا گیا ہے۔

برطانوی میڈیا کے مطابق گاڑی کے ڈرائیور کو اسکول کے باہر موجود سیکیورٹی گارڈ اور طلبہ کے والدین نے پکڑ کر پولیس کے حوالے کر دیا ہے، واقعے سے متعلق تفتیش کا آغاز بھی کر دیا گیا ہے۔۔

میڈیا کی رپورٹس کے مطابق واقعے کے بعد جائے وقوع پر افرا تفری مچ گئی، بچوں کو خوف سے چیختے ہوئے دیکھا گیا۔