صبا فیصل نے اپنی بیٹی کے ہمراہ عمرے کی سعادت حاصل کرلی

 

پاکستان کی معروف اداکارہ صبا فیصل نے اپنی بیٹی سعدیہ فیصل کے ہمراہ عمرہ ادا کرلیا۔

فوٹو اینڈ شیئرنگ ایپ انسٹاگرام پر اداکارہ صبا فیصل نے مکہ مکرمہ سے اپنی بیٹی کے ہمراہ چند تصاویر و ویڈیوز شیئر کی، جس میں انہیں طواف کرتے ہوئے دیکھا جاسکتا ہے۔

اداکارہ نے تصاویر و ویڈیو شیئر کرتے ہوئے کیپشن میں لکھا کہ ’ آج اپنی بیٹی کے ساتھ پہلا عمرہ ادا کیا اللّٰہ قبول اور منظور فرمائے‘، ساتھ ہی انہوں نے مداحوں سے دعا قبول ہونے کی درخواست بھی کی۔

اس سے قبل صبا فیصل نے گزشتہ شب اپنی بیٹی، سعدیہ فیصل کے ہمراہ مکمل حجاب میں خوبصورت تصویریں شیئر کی تھیں جس میں انہوں نے بتایا تھا کہ وہ عمرے کی ادائیگی کے لیے روانہ ہو رہی ہیں۔

پوسٹ کے کیپشن میں صبا فیصل نے لکھا تھا کہ ’عزت اور ذلّت صرف میرے رب کے ہاتھ میں ہے، اللّٰہ ہم سب کے لیے آسانیاں پیدا فرمائے، اپنی پیاری بیٹی کے ساتھ مبارک سفر پر جارہی ہوں، عبادت قبول ہو۔